Опаѓа бројот на заболени од грип

Последнава седмица на инфективното одделение во Општа болница Куманово се јавиле 46 пациенти со симптоми на грип од кои 9 се хоспитализирани.

Најголем дел од заболените од грип се работоспособни граѓани на возраст од 15 до 64 години. Вирусот на грип најбрзо се шири на температури од - 4 до  4 Целзиусови степени - велат од Центарот за јавно здравје.

Бројот на заболени континуирано се намалува така што по Нова година имаше 273 заболени, а на почетокот на февруари бројот изнесуваше 107 заболени.