Општина Куманово бара луѓе за “Инклузивна летна школа“

Се бараат луѓе со завршено средно фискултурно училиште кои ќе бидат тренери за спорт, физиотерапевтски техничари, тренер за драмски активности и тренер за културно - уметнички активности (со искуство во оваа област), тренери за занаетчиска работа со завршено средно образование или долгогодишно искуство, тренери за домаќинство со високо образование или искуство со лица со попреченост- соопштуваат од општината.

Луѓето ќе работат по 20 часа неделно за што ќе добиваат надомест од 6.000 денари со платен персонален данок на доход и осигурување во случај на несреќа на работа или заболување.

Заинтересираните кои се водат како активни баратели на работа можат до 25 мај да се пријават во Центар за вработување Куманово и да пополнат пријава за учество во програмата за општинско - корисна работа. Предност ќе имаат невработени лица од ромска популација.

Откако ќе заврши пријавувањето на кандидатите, ќе има интервју за да се направи избор на луѓето кои ќе бидат вработени.