Патување во Србија со лична карта
03.10.2011 12:28
| KumanovoNews
Министерката за внатрешни Гордана Јанкулоска со српскиот министер Ивица Дачиќ денес ќе ја потпишат Спогодбата за условите за патување на државјаните на двете земји.
Спогодбата ќе се потпише во рамки на Министерскиот форум за внатрешни работи и правда ЕУ-Западен Балкан што од денес се одржува во Охрид, а со која на македонските граѓани им се овозможува патување во Србија и премин на границите само со лична карта.
Освен со српскиот министер Дачиќ, предвидено е Јанкулоска да оствари средба и со еврокомесарот Сеселија Малстром и со директорот на Европол Роберт Веинрајт.
