Планинарскиот клуб “Козјак“ слави 32-ри роденден
Спортско планинарскиот клуб “Козјак“ денеска одбележува 32 години постоење и успешна работа.
По тој повод викендов беше организиран еднодневен марш од село Пклиште до планинарски дом Длабочица.
Низ клубот поминале многу планинари, организирани се многу акции на кои клубот бил домаќин, а сме учествувале и на многу акции во Македонија, Словенија, Бугарија, Грција и Србија. Организирани се планинарски школи, маратони, клубот е добитник на Ноемвриска награда, збратимен е со многу клубови, и до ден денес работи по своја програма. Во клубот има двајца лиценцирани водичи единствени во нашиот град и моментално располага со два планинарски дома на планината Козјак во село Длабочица - вели Мартин Величковски, секретар на “Козјак“.
“Козјак“ е отворен во 1967 години, но поради слабиот интерес е ставен во мирување. На 7 април 1982 година се појавиле нови љубители на планината кои го обновиле клубот кој функционира се до денес.
