Поставени лулашки за деца со хендикеп
Пред Центарот за култура денеска се поставени две лулашки за деца со инвалидитет, набавени од донации на ученици, приватни фирми и државни институции.
Волонтерите од Црвен Крст објаснуваат дека со овој проект ги промовираат хуманите вредности.
Сакаме лицата со телесен инвалидитет да ги вратиме во нивното неизживеано детство или доколку се деца да го доживеат како децата со нормален развој. Ние ќе бидеме тука да им помогнеме не само финансиски, туку и со поддршка за нивните потреби кои често не се видливи за другите луѓе. Ние младите во рамки на Црвен Крст се собравме во една група за да помогнеме и собравме донации од основни и средни училишта, приватни фирми, државни институции. Овие лулашки ќе останат овдека во центарот на градот - вели Нита Зеќири, волонтер во Црвен Крст.
Проекти за промоција на хумани вредности во земјава се реализираат цели 15 години.
