Повторно во функција бројот 193
06.02.2014 14:08
| KumanovoNews
Дефектот на телефонската линија во Противпожарната служба е отстранет, по што од доцна синоќа бројот 193 повторно е во функција.
Се работеше за дефект на подземен кабел кој води до нас и тој е поправен. Граѓаните во случај на пожар можат да не добијат на 193. Имавме мирна ноќ со една интервенција синоќа во 23.30 часот на запален оџак на улица “Поток Серава“. Нема материјална штета, единствено луѓето беа во паника бидејќи оџакот се запалил - вели Дејан Илиевски, командир на Противпожарна единица Куманово.
Вообичаено во зимските месеци Противпожарната единица бележи помал број на интервенции.
