Проектот “Привремена поезија“ стигна во Куманово

Млади ентузијасти пораките ги залепиле на Градскиот плоштад, пред зградата на Комитет и на булеварот “Трета МУБ“, како дел од проектот “Привремена поезија“, кој почна од Струмица и се прошири во другите градови. На граѓаните оваа акција им се допаѓа и велат дека е многу поучна за младите.

„Добро е за младите, да имаат со што да се занимаваат, повеќе да читаат. Секогаш читањето е повеќе знаење. Колку повеќе читаат, полку полесно ќе се снајдат во животот и ќе се пронајдат себе си “ - изјави Ленче Ценевска.

Сите други граѓани кои сакаат да се вклучат во промовирање на поезијата можат да изберат неколку стихови од нивниот омилен автор и да ги залепат на јавен простор каде ќе бидат видливи за поголем број луѓе.