Се е подготвено за новогодишниот спектакл
Од Општина Куманово тврдат дека се е подготвено за прославата на Новата година на Градскиот плоштад, со балканските ѕвезди Бојан Бјелиќ и Даниела Мартиновиќ. Програмата ќе започне во 21 часот.
Ќе имаме програма од 45 минути од нашите етнички заедници. Ќе има музика претходно како вовед. Во 22 часот ќе настапи Бојан Бјелиќ, а веќе во 23 часот ќе пее познатата хрватска пејачка Даниела Мартиновиќ. Во 24 ќе биде традиционалниот огномет, а потоа градоначалникот Зоран Дамјановски ќе им ја честита Новата година на граѓаните. Во рамки на она што се вика организирана прослава активности ќе има до 1 часот по полноќ. Досега времето ни е во прилог, добро е, навечер ќе биде поладно. Имаме добра понуда и секој може да си се најде во музичките збиднувања. Ја користам приликата да ја честитам 2013 година, да посакам здравје, среќа да ги следи граѓаните во текот на целата година и животот воопшто - изјави Нино Величковски, директор на Фондацијата за спорт и култура при Општина Куманово.
За седум години колку што се организира дочек на Градскиот плоштад во Куманово продефилирале околу 20 врвни музички имиња.
