Се намалува бројот на пожари
29.08.2013 12:41
| KumanovoNews
Последниве денови Противпожарната единица Куманово бележи 1 до 2 интервенции дневно, за разлика од претходната седмица кога гаснеа 5 до 8 пожари дневно.
Бројот на пожари е немален. Имаше една интервенција на стрниште во село Романовце. Немаше некој поголем пожар, се работи тековно, а оние пожари кои се регистрирани се предизвикани од палење на стрништа и сува трева - вели Дејан Илиевски, командир на Противпожарна единица Куманово.
Илиевски објаснува дека дождот кој падна деновиве ја ублажи состојбата и придонесе за намалување на бројот на пожари.
