Синдикатот бара повисоки плати за просветарите
Самостојниот синдикат за образование, наука и култура бара преговори со ресорното министерство за потпишување на колективни договори во високото образование и корегирање на платите за сите во сектор образование.
Трета година како нема никакви корекции во делот на платите во сите сегменти на образованието, поради што Советот на СОНК предлага отпочнување на процес на преговори со МОН околу ова прашање. Советот укажува дека е целосно свесен за економските состојби во државата, како и влијанието на светската економска криза, но изразува убедување дека може да се изнајдат средства од Буџетот на државата, со кои ќе се интервенира во подобрување на социјално - економската состојба на вработените во образованието - се вели во писмото.
Селајдин Дестани, претседател на Регионалниот просветен синдикат вели дека на 12 јануари годинава е оддржана седница на која е решено да се отворат актуелните прашања и проблеми кои се во надлежност на СОНК.
