Снег на Страцин

Снегот провејува и не се задржува на коловоз на патните правци, Крива Паланка – Страцин и на подрачјето на Смојмирово. На возачите им препорачуваме внимателно возење и почитување на поставената сообраќајна сигнализација. Крајна внимателност, прилагодена брзина и одржување на потребното растојание помеѓу возилата, препорачуваме на патните правци низ клисурите и планинските превои, каде е почеста појавата на поситни одрони. Ова особено се однесува за патните правци Катланово - Велес, Демир Капија - Удово и Гостивар -Маврово - Дебар - Струга.

 На патот Куманово-Граничен премин Табановце поради изведување на градежни работи, се препорачува повнимателно возење и почитување на поставената сообраќајна сигнализација. Се очекува работите да траат подолго време.