Со низа активности ќе се прослави 11 Октомври
По повод 70 години од Денот на народното востание на македонскиот народ, локалната самоуправа со повеќе активности ќе го одбележи 11 Октомври. Во програмата на Секторот за култура и спорт предвидени културни, музички и спортски манифестации.
Планинарското друштво „Козјак“ и ОСС – Куманово, организира меѓународен планинарски марш на планината Козјак. Во петок на 7 октомври во Уметничката галерија ќе биде отворена Меѓународна изложба на уметничка фотографија – Фото Салон во организација на Фото кино клуб „Козјак 50“ – Куманово.
На 10 Октомври, по повод Денот на востанието, Свечена седница ќе одржи Сојузот на борци, а во младинскиот културен центар „Козјак“, концерт на Маргица Антевска.
На 11 Октомври, преем за гостите ќе огранизира градоначалникот Зоран Дамјановски, а ќе биде положено цвеќе на Спомен костурница, потоа следува велосипедска трка и концерт на градска музика „Илинден“ – Куманово на градскиот кеј Куманово.
