Совети за заштита од листерија

Од Министерството за здравство ги советуваат граѓаните зготвената храна да се јаде веднаш, во спротивно да се чува во фрижидер на температура од 2 до 8 степени и пред конзумирање да се загрее на над 70 Целзиусови степени.

“Не оставајте подготвена храна на собна температура подолго од 1 час, односно подготвената храна ставете ја во фрижидер веднаш по користењето, каде препорачливо е да се чува максимум три дена и јадењето да не се подгрева повеќе од еднаш. Свежиот зеленчук, овошјето и салатите потребно е темелно да се измијат под силен млаз вода пред јадење, сечкање или готвење. Во летен период избегнувајте лесно расиплива храна, како што се мајонези, кремови, сладолед од свежи и термички необработени јајца. Да се конзумира безбедна вода за пиење, а доколку не сте сигурни за нејзиниот квалитет, пред употреба задолжително да се преврие - стои во соопштението од Министерство за здравство.

Малите деца, бремените жени, старите над 65 години и лицата со слаб имунитет треба да внесуваат што повеќе свежо поготвена храна во домашни услови.