Србите бараат поголема грижа на споменикот на “Авијатичари“
Споменикот на “Авијатичари“, кој се наоѓа на улицата “Никола Тесла“ е запуштен, а просторот околу него неуреден.
Советникот на ДПСМ Бобан Јаќимовиќ ја обвини локалната власт дека е виновна за состојбата во која се наоѓа ова историско обележје.
Споменикот е во лоша состојба. Кога ќе се погрижи локалната самоуправа да го среди и да заличи на нешто? За истото Српската заедница пред некој месец поднесе барање но не е преземено ништо- изјави Јаќимовиќ.
Градоначалникот Зоран Дамјановски одговорноста за запуштеноста на спомениците ја префрли на државата.
Направивме хортикултурно уредување два пати, но неодговорноста е во рацете на државата, во рацете на Собранието на РМ. “Недговорноста“ барајте ја во “одговорноста“ на вашиот пратеник - вели Дамјановски.
Советникот Јаќимовиќ рече дека овој споменик е многу важен за нив и затоа ќе се информираат чија е одговорноста за негово оддржување.
(фото архива)
