Средношколци се натпреваруваа во прва помош

Учениците пред зградата на Црвен Крст демонстираат како се дава прва помош на повреден во случај на сообраќајна несреќа.

 - Имаме повреди од различен тип и тоа отворени скршеници, затворени скршеници, изгореници, полесни повреди, срцев удар, клиничка смрт при струен удар. Овој натпревар се организра со цел да се обучат што е можно повеќе луѓе од околината за да можат во случај на несреќа да помогнат додека да пристигне Брзата помош - вели Раде Ристиќ, лидер на млади во Црвен Крст.

Учениците месец дена однапред вежбаа пружање на прва помош и се подготвуваа за натпреварот.

- Учевме како да помогнеме, за каква повреда се работи и какви последици ќе има потоа. Ова секако ќе ни помогне за во иднина за да знаеме како да помогнеме на повреден. Тоа треба секој да го знае - кажа Христина Антовска, ученичка во медицинска струка во “Наце Буѓони“.

Најдобрата екипа од денешниот натпревар ќе учествува на државен натпревар за прва помош.