Трибина „Подобро судство за подобра иднина“

На трибината беа презентирани измените на законите за судски совети и за парнична постапка со цел да се објаснат реформите во судството пред граѓаните.

 Реформите, почнувајќи од измените на уставните амандмани во 2005, Законот за судски совет од 2006 и ланските измени се во насока на државната стратегија за реформи во судството со единствена мотивација да се зајакне капацитетот на судството, а со тоа да се обезбеди повисок степен на професионалност, стручност во работата на судовите и да се врати разнишаната доверба на граѓаните и јавноста во судството, беше речено на трибината.

Трибини на тема реформи во македонското судство во рамките на кампањата „Подобро судство за подобра иднина“ следната недела ќе се одржат во Штип, Радовиш, Прилеп и во Струга, а ќе завршат со експертски Форум во Скопје.