Училиштата “Вук Караџиќ“ и “Дитурија“ станаа партнери
01.11.2013 11:25
| KumanovoNews
Основните училишта “Вук Караџиќ“ од Куманово и “Дитурија“ од с.Липково вчера потпишаа договор за партнерство во рамки на проектот за мултикултурна интеграција во образованието.
Наставниците и професорите од двете училишта во иднина ќе треба да организираат заеднички активности.
Ќе соработуваат децата од различни возрасни групи. Ќе има креативни работилници, работилници за култура и фолклор, екологија и спортски активности. На крајот на оваа учебна година ќе има презентација на она што сме го сработиле - вели Надица Петровска, директор на ОУ“Вук Караџиќ“.
Овој проект се спроведува во целата држава со помош на УСАИД и ресорното министерство.
