Училиштето во Клечовце со најмалку ученици

Надлежните од училиштето велат дека секоја година во ова училиште има се помал број ученици, иако тука се образуваат и децата од Војник, Стрезовце, Довезенце, Јачинце. Директорот Тоде Михајловски вели дека функционираат со комбинирани паралелки така што во една училница учат две одделенија.

Знаеме децата колку се љубопитни и не е исто кога има едно одделение, кога се предава една тема, и кога се две па училителката мора да предаде две теми. Квалитетот на наставата не е ист. Во селата има миграција, и затоа бројот на ученици се намалува последниве неколку години. Ако пред три години имаше запишано 14 првачиња, сега има само 3. Работат три учителки и предметни наставници кои заради полн фонд на часови посетуваат и други школи. Ова е единствено училиште во овој крај. Тоа го оддржува населението и дефинитивно треба да опстане. Ако нема училиште, крајот ќе се запусти - изјави Михајловски.

Тој додава дека училиштето е реновирано, покривот е поправен,  и за разлика од порано имаат многу подобри услови. За разлика од ОУ “Вера Которка“ кое има најмалку ученици, во Куманово најголем број ученици имаат ОУ “Браќа Миладиновци“ и ОУ“Крсте Мисирков“. Во овие две училишта се школуваат над 3000 ученици. Зад нив е “Христијан Карпош“ од населбата Перо Чичо кое има 1400 ученика.