Во кумановско 10 деца жртви на насилство
Во Центарот за социјални работи Куманово во последните две години помош побарале 10 деца жртви на семејно насилство, додека 18 деца се регистрирани на улица.
Малтретирањето на децата најчесто го пријавуваат членови на семејството или вработени во училиштата и градинките, откако забележуваат траги на насилство.
Итно се постапува се во интерес за заштита на малолетните деца. Првин се води сметка да ги задоволиме нивните основни потреби. Доколку има физичко насилство најпрвин добиваат здравствени услуги, а потоа добиваат психо-социјална поддршка. Ако има потреба се сместува во згрижувачко семејство, во прифатен центар или се става под старателство.- изјави Елизабета Ангеловска, социјален работник.
Ангеловска вели дека нема драстичен пораст на семејното насилство врз деца во кумановско.
