“Водовод“ работел со добивка во првиот квартал

На денешната седница на Советот на општина Куманово повеќето советници го поздравија позитивното работење и го охрабрија менаџерскиот тим да работи со исто темпо и понатаму.

Советничката од ВМРО - ДПМНЕ, Валентина Илиевска праша дали вработените редовно земаат плата на што директорот рече дека денеска добиле плата за март и дека платите доцнат поради финансиската блокадата од пред неколку месеци.

  - Многу сме поприсутни на терен, вршиме контроли, нема забранети зони за нас, влегуваме во секој дел на градот. Имавме некои “џепови“ во Гладно поле, стадион Башкими, Перо Чичо, Говедарски пат и ги ставивме во систем. Дефектите ги решаваме за пократко време и ги контролираме загубите. Планираме инфраструктурно подобрување, аплициравме за грант од 1,5 милиони евра во Министерство за транспорт и врски односно Светска банка - изјави директорот Горан Стојковски.

Советниците го изгласаат тримесечниот извештај за работа на “Водовод“ за период од 1 јануари до 31 март 2014 година.