„Водовод“ работел со загуба во последното тромесечје

Од ВМРО - ДПМНЕ рекоа дека иако се прават напори за поефикасно работење на претпријатијето, сепак резултати нема и “Водовод“ се соочува со финансиски проблеми. Тие прашаа дали е вистина дека од скоро имало нови вработувања.

“Проструи информација дека имало четири нови вработувања, дали е точно не знам. Во оваа ситуација не звучи добро, кога има загуби, колку е претпријатијето оптеретено и да се примаат нови луѓе“ - рече Јовица Станковски, советник од ВМРО - ДПМНЕ.

На ова директорот Горан Стојковски одговори дека се примени тројца луѓе, бидејќи еден вработен починал, пет заминале во пензија, двајца се суспендирани и еден си дал отказ.

“Двајца се суспендирани бидејќи направиле криминално дејание. Тоа е пријавено во МВР и чекаме да се заврши целата постапка. Вработивме еден економист за плата од 12.000 денари бидејќи претходниот си отиде и немавме друг. Инкасатор и баждарџија се на местото на суспендираните, и тие вработувања се привремени бидејќи не знаеме во овој момент дали ќе бидат избркани од работа“ - објасни Стојковски.

Стојковски кажа дека работниците примиле плата за месец јуни.

Советниците го изгласаа тримсечниот извештајот за работа на “Водовод“.