Волонтери ги посетија старците во „Зафир Сајто“

Со разговор и скромни подароци, како и секоја година, тие им го разубавија денот на старите лица.

Целта е да им посветиме внимание, да им покажеме дека се грижиме за нив. Потоа на Градски плоштад ќе делиме флаери за граѓаните за да ги информираме дека е  Недела за грижа на старите лица и да знаат како со нив да постапуваат - вели Марија Суботиќ, волонтер.

Старите луѓе знаат дека ова е нивна недела и се заблагодарија на сите кои деновиве се сетија на нив и ги посетија.

Многу е убаво, задоволни сме. Вчера од домот не носеа во “Етно село“ на ручек. Децата не почестија со колачи и сокови, си направивме муабет - рече Савка Трајковска, сместена во домот.

Во просториите на Црвен Крст утрово триесетина пензионери измерија шеќер во крвта. Само неколку од нив имаат покачен шеќер во крвта и нив им е сугерирано да одат на лекар и да проверат дали се работи за моментална состојба или имаат здравствен проблем.

Јас синоќа слушнав дека ќе има акција и дојдов да проверам шеќер. Нормален ми е шеќерот, немам проблеми. Ние постарите треба да внимаваме, јас водам сметка да не јадам многу мрсна храна - објаснува Миле Јаневски, пензионер.

На старите луѓе им беа поделени фалери со информации за нивните права од Законот за семејство, институционална и вонинституционална заштита, сместување во домови, издржување и слично.