Волонтерка од Мировен корпус во “Порака наша“

Таа пристигна пред месец дена и се надева дека работата во “Порака наша“ ќе биде едно големо искуство за неа, ќе се запознае со традицијата и културата на нашиот народ.

Со нетрпение ги чекам двете години соработка со “Порака наша“. Македонија е убава и полна со традиција. Очекувам да изградам силни врски со луѓето овде и да помогнам во социјалниот развој и прифаќањето на овие луѓе - вели волонтерката.

Од “Порака наша“ објаснуваат дека ова е вторпат да соработуваат со волонтер на Мировен корпус. Освен размена на искуства поврзани со навиките, културата, традицијата волонтерот има за задача да им помага во секојдневните активности.

 Таа е тука секој работен ден. И дава поддршка, помош на организацијата, ни помага во изготвување на проекти. Сместена е во семејство домаќин што е ново, бидејќи претходно волонтерот живееше во стан. Од соработката со неа засега сме презадоволни - рече Фросина Симоновска, едукатор дефектолог во “Порака наша“.

Елизабет доаѓа од Вермонт, втора најмала земја во САД со 630.000 жители и затоа лесно се адаптирала на начинот на кој функционира градот и општеството.