Заврши ликовна колонија “Куманово 2014“

Создадени се дела кои пред јавноста ќе бидат презентирани во ноември пред празникот на градот.

“Овде бев пред неколку години и драго ми е што имам прилика да учествувам на оваа јубилејната колонија. Се потрудив да дадам колку што можам придонес, оваа колонија има своја вредност и треба да се гради. Работев во техника масло на платно“ - рече Илија Костов, сликар.

Присутните ги поздрави градоначалникот Зоран Дамјановски и им се заблагодари за учеството на уметниците. Дамјановски се надева дека овој проект во иднина ќе биде уште подобар и поуспешен.

“Меѓународната ликовна колонија ”Куманово 2014”  и оваа година бележи огромен број создадени дела и богата ликовна продукција, и од година во година, оваа колонија прераснува во бренд на Куманово“ - вели Анита Цветановска, директор на Музеј Куманово.

Од Македонија,  на ликовната колонија ”Куманово 2014”, учествуваа Рубенс Корубин, Мирјана Крстева -Массетти, Ване Костуранов, Александар Симоновиќ и Мирослава Цветковиќ, како и учесници се од  Србија и еден уметник од Белгија.

Колонијата ја организираат локалната самоуправа и Музеј Куманово. Оваа ликовна колонија датира од 1974 година и е една од најстарите во државата.