Зголемен сообраќај надвор од градовите
Посебен режим во сообраќајот денеска ќе се применува на патниот правец Куманово-Пелинце, поради пропуштање на службените возила со делегации кои ќе присуствуваа на прославата на Илинден во Меморијалниот центар Пелинце.
Поради тоа од СВР Куманово апелираа до граѓаните, кои планираат да присуствуваат на прославата, да пристигнат до 10 часот за да не останат заглавени во гужвите.
На граничните премини Табановце и Богородица, утринава има зголемена фреквенција на возила, па за излез од државата се чека од 30 минути до 1 час.
Сообраќајот на сите останати државни патишта низ државата се одвива непречено, по суви коловози со зголемена фрекфенција кон излетничките места каде што ќе се одржат прославите за Илинден.
Од АМСМ препорачуваат внимателно управување со возилата на патниот правец А-1 делница Миладиновци - Куманово во двата правци, поради присуство на работници кои вршат геодетско снимање на патот за потреби на проектна документација.
