Изгореа 10 хектари букова шума во Отља

Според информациите од Шумско стопанство Куманово, пожарот избувнал во букова шума над селото Отља, поточно над каменоломот.

„Зафатена е површина од околу 10 хектари. Таму теренот не е пристапен за гаснење со моторни возила. Пожарот се движи во правец на атарот на селото Матејче и во атарот на Отља“, информираат од ШС Куманово.

Оттаму велат дека гаснењето на пожарот од страна на вработените ќе продолжи и денеска, доколку дождот не помогне да биде изгаснат.