Кај Табановце откриени 20 мигранти од Бангладеш, 9 малолетници На автопатот Куманово - Табановце, кај место викано „Костурник“, вчера во 8.10 часот, полициски службеници го лишиле од слобода Љ.М.(44) од Скопје, затоа што при преглед во товарно возило „фолксваген транспортер“, со скопски регистарски ознаки, кое го управувал, биле пронајдени 20 мигранти од Бангладеш, од кои 9 биле малолетни лица.
По уште еден починат и новозаболен од ковид-19 во Куманово Во последните 24 часа регистрирани е 21 нов случај на ковид-19, а направени се 4.370 тестирања.
Натали Кировска првенец на генерација во основното училиште „Крсте Мисирков“ Деветтоодделенката Натали Кировска е избрана за ученик на генерација во основното училиште „Крсте Мисирков“ во Куманово.
Училиштата не смеат да наплаќаат за свидетелствата, тоа е спротивно нa законите, информира МОН Училиштата не смеат да наплаќаат такси на родителите и учениците за издавање на свидетелствата, објавија од Министерството за образование и наука, откако Сојузот на средношколци испрати известување до Државниот просветен инспекторат, во кое ги информира дека во изминативе неколку денови добиле поплаки од средношколци од повеќе градови низ земјава дека некои средни училишта наплаќаат такси за издавањето свидетелства.
Петтмина новозаболени од коронавирус во Куманово Во последните 24 часа направени се 2.885 тестирања, а регистрирани се 20 нови случаи на ковид-19. По градови во: Куманово – 5, Скопје и Битола – по 4, Тетово – 3, Прилеп, Охрид, Кичево и Крива Паланка – по 1.
Уште еден продолжен викенд: Петок неработен ден за православните верници Наредниот петок 18 јуни, ден пред Духовден, е неработен ден за граѓаните од православна вероисповед во Република Северна Македонија.
Мотоциклист удрил во 19-годишно момче, двајцата тешко повредени Две лица се тешко повредени во сообраќајка, која се случила вчера во Скопје.
Во Техничкото училиште слободни 646 места за упис во машинска, електротехничка и здравствена струка Во Средното техничко училиште „Наце Буѓони“ Куманово, во новата учебната 2021/2022 година, во прва година предвидено е да се запишат вкупно 646 ученици во 19 паралелки, од кои 306 ученици во 9 паралелки со настава на македонски јазик и 340 ученици во 10 паралелки со настава на албански јазик.
Уште 5 нови случаи на ковид-19 во Куманово Согласно податоците од Институтот за јавно здравје, Министерството за здравство информира дека во последните 24 часа се направени 2.411 тестирања, а регистрирани се 18 нови случаи на ковид-19. По градови од: Скопје – 8, Куманово – 5, Кочани – 2, Тетово, Крива Паланка и Кратово – по 1.
Приведен дилер од Куманово, пронајдена дрога Полициски службеници од СВР Куманово синоќа во 20 часот го лишиле од слобода Р.Е.(47) од Куманово, затоа што при преглед кај него била пронајдена и одземена кафеава прашкаста материја.
Задружниот дом во село Пчиња ќе биде туристичко-промотивно биро на Бислимска клисура Со проект преку Североисточниот плански регион (СИПР) ќе се реконструира задружниот дом во село Пчиња, кој потоа ќе се користи во туристички цели. Средствата се обезбедени преку проектот „Светлина од минатото“ за прекугранична соработка на Општина Куманово со Општина Дупница во Република Бугарија.
За 15.287 ученици во Куманово заврши учебната година За вкупно 15.287 ученици од основните и средни училишта во Куманово, денеска заврши учебната година. Од нив 10.307 се од основните училишта и 4.980 од средните училишта во Општина Куманово.
Почина 45-годишен кумановец од ковид-19, новозаболени уште 9 пациенти Пациент на 45-годишна возраст починал вчера од компликации на коронавирус во Куманово. Во новата ковид статистика регистрирани се и 9 новозаболени и еден оздравен во Куманово.
Изложба на слики „Самоуки 2021“ во Куманово Во Изложбениот салон на Центарот за култура „Трајко Прокопиев“ – Куманово, утре во 19 часот ќе биде отворена традиционалната ликовна манифестација “Самоуки 2021“.
Започна реконструкцијата на кровот на спортската сала во Куманово, вредна 320 илјади евра Започна реконструкцијата на кровната конструкција на спортската сала во Куманово, прва фаза од целосна реконструкција на овој значаен спортски објект во градот. Средствата се обезбедени преку проект на Свероисточниот плански регион (СИПР) во висина од 320 илјади евра.
Јавната администрација ќе добие К-15 Јавната администрација годинава ќе го добие регресот за годишен одмор или таканаречениот К-15 и за таа намена се алоцирани дополнителни 230 милиони денари.
