10 милиони денари за поправка на затварачите на браната Липково

Со нивно осовременување и модернизирање ќе се спречат загубите на вода.

Инвестицијата на затварачите на браната Липково е многу важна за нашата работа. Ние сме во групата на водостопански претпријатија која доби најмногу средства, додека колегите од Кочани добија 4 милиони денари, Струмица  2,5 милиони денари. Паралелно со тоа во постапка е да се добијат неколку возила од Агенцијата за одземен имот. Се надеваме дека наскоро ќе ги добиеме со што ќе се подобри функционалноста на Водостопанство “Кумановско - Липковско Поле“- рече Филип Филиповски, директор на Водостопанство “Кумановско - Липковско Поле“.

Со инвестирањето во затварачите водата од браната Липково ќе се користи рационално и нема да има непотребно излевање посебно во вакви сушни периоди. Придобивка од модернизираните затварачи ќе има и месното население кое водата ја користи за наводнување на полињата.