Чешкиот амбасадор во посета на ОУ “Браќа Миладиновци“

 Со леб и сол амбасадорот Рамеш беше пречекан во холот на училиштето. Тој на присутните им се обрати на македонски јазик и ги додели награди на учениците Милена Ластевска и Драгослав Бошковски. Амбасадорот кажа дека колонијата “Лидице„ се прави во чест на 80 деца убиени од германската војска.

- Дојдов да го видам и вашиот град. Изложбата е меѓународна и пристигнаа 26.000 дела од 67 земји од целиот свет. Многу ми е драго што оваа година четири деца се добитници, две од вашиот град и две од гимназија од Скопје - вели Рамеш.

Наградените ученици работеле во техника графика.

- Работевме графика во комбинирана техника. Сме учествувале на многу натпревари во и надвор од Европа. Оваа награда многу ми значи за моите понатамошни успеси - рече Драгослав Бошковски.

Пред присутните говореше и градоначалникот Зоран Дамјановски, кој нагласи дека градот има ликовна традиција и организира три ликовни колонии годишно. Тој додаде дека општината културно се развива и се надева дека овие млади ентузијасти ќе имаат многу успеси во иднина. Пред амбасадорот Дамјановски се пофали со наградата од Париз,за најбрз културен развој во Југоисточна Европа.