Дел од оружје од Гошинце најдено во Брест

При претрес на две локации во селото Брест во домот на 55 -годишен  маж, за кој МВР претходно имало сомневање дека е вклучен во нападот врз караулата, се најдени две автоматски пушки, две снајперски пушки, десет пиштоли, муниција, футрола за пиштол и униформа со ознака на УЧК. Со првичните анализи и сериските броеви на оружјата, е утврдено дека станува збор за дел од одземеното оружје од караулата во Гошинце. Оружјето е дадено на понатамошно вештачење со цел пронаоѓање евентуални материјални траги, кои се поврзани со стореното кривично дело, по што ќе следува соодветен поднесок.

Лицето за кое МВР се сомнева дека е вклучено во нападот, не е пронајдено и потрагата по него и по другите лица за кои постои сомнение дека се вмешани продолжува.