Должниците на „Водовод“ ќе плаќаат на рати

На денешната седница на Советот на општина Куманово,  дел од советниците прашаа како ќе се регулираат овие долгови без институциите, претпријатијата и училиштата да бидат исклучени.

Меѓу најголемите должници, 10 се должници кои  се под директни ингеренции на локалната самоуправа, јавни претпријатија, школи. Мене ми е јасно зошто болницата должи, ама не ми е јасно зошто едно училиште има 10.000 евра долг. Колку што знам нема базен за да троши толку вода - рече Драган Петковски, советник од ВМРО-ДПМНЕ.

На ова директорот на „Водовод“, Горан Стојковски одговори дека е постигнат договор должниците да плаќаат на рати, а спогодбите со нив се потпишани уште лани.