“Духот на слободата“ премиерно во Куманово

Се работи за интересна естетска режисерска постапка каде севкупноста на претставата е прикажана преку паралелно раскажување на  минатото, сегашноста и иднината. Еден актер толкува повеќе ликови, а слободата е врска помеѓу угнетувачот и угнетениот, жртвата и злосторникот.

Претставата е мозаик од слични ситуации во различни социјални контексти. Таа е вистина додека остатокот од светот глуми. Ова театарско парче е интересен приказ на тоа како секојдневно се уништуваме.

Автор на текстот е Војдан Чернодрински, а го допишал Горан Стефановски. Во претставата играат: Кети Дончевска - Илиќ, Горан Илиќ, Јасмина Василева, Димитрија Доксевски, Стефанија Зисовска, Мирјана Поповска - Ристов, Мирослав Петковиќ, Александра Пешевска и Драгиша Димитријевски.

Kостимите за претставата се дело на нашата креаторка Елена Спасовска.