Дваесетина моторџии ќе учествуваат на мото крос Забел

Моторџиите ќе возат трка која е долга околу 1,5 км, а за најдобрите тројца ќе има медали и пехари.

“Пријавени се моторџии од Куманово, Скопје, Битола, од Србија, Косово и Албанија. Тренинзите почнуваат во 10.30 часот, а потоа ќе бидат трките зависно од тоа кога ќе пристигнат моторџиите од соседството. Резултатите ќе бидат за бодување на првенство на Македонија “ - изјави Драган Јовановски од општина Старо Нагоричане.

Мото кросот го организира Моторциклистичка федерација на Македонија, а настанот е под покровителство на општина Старо Нагоричане.