Дваесетина пакети со храна за сиромашните

Донациите се обезбедени во рамки на Недела на солидарноста минатиот месец. Загрозените граѓани ќе добијат пакети со основни прехранбени продукти во вредност од 800 денари.

Овие пакети се делат на најзагрозените, инвалидизираните лица кои навистина имаат потреба од помош. По пет пакети ќе се поделат на социјално ранливите категории од општините Липково и Старо Нагоричане и десет пакети на граѓани од Куманово - објаснува Иле Митковски, секретар во Црвен Крст Куманово.

Овие акции имаат за цел да ги поттикнат граѓаните да бидат хумани и да им помогнат на сиромашните, болните и лицата со посебни потреби.