„Еуро Колеџ“ ќе соработува со „Даталаб“

Со потпишување на договорот, „Еуро Колеџ“ се стекна со право на лиценца за користење на PantheonTM софтвер во реализација на наставата, и со тоа стана четврт партнер од сферата на високообразовните установи која го имплементира PantheonTM, покрај веќе постоечките, УКИМ-Економски факултет-Скопје, УКИМ-Машински факултет - Скопје и Универзитетот Гоце Делчев-Штип.

Соработката што ПВПУ„ Еуро Колеџ“ Куманово ја воспоставува со стопанскиот сектор континурано се проширува. Таа соработка е во функција на подобрувањето на квалитетот на наставата и создавање на адекватни услови за реализација на наставните програми со кои на студентите им се дава можност за стекнување со знаења, вештини и компетенции кои се барани на пазарот на труд. Покрај инсталација на софтверот, Грантот вклучува и обука на наставниот кадар што претставува посебен придонес на полето на стручното усовршување на наставниците - велат од „Еуро Колеџ„.

Освен во реализацијата на наставните програми по предметите од областа на сметководство и финансии, програмот PantheonTM ќе има своја примена и при спроведување на обуките за возрасни од програмата за „Службеник во сметководство“, која е верифицирана во Центарот за образование на возрасни и која ќе започне да се реализира во оваа студиска година.