Евангелската црква организира камп за англиски јазик

Кампот почна вчера, ќе трае денеска и завршува утре. Девет професионални предавачи од САД, се задолжени своето знаење да им го пренесат на децата.

Часовите се одржуваат од 17 до 21 часот. Вчера имаше 39 деца, што е солиден интерес. И оние кои сакаат да научат нешто, можат да ни се приклучат, не е доцна. Часовите се одржуваат во училници во црквата и во дворот. Има многу игри, се прават рачни изработки, а децата ќе слушнат и некоја морална и библиска поука - вели Сашо Ѓорѓиевски, пастор на Евангелската црква.

Кампот се организира за да децата го учат англискиот јазик, кој е интернационален и многу ќе им користи понатаму во животот.