Градоначалникот ја посети Мара Нацева

 Имам чест денеска во името на граѓаните на Куманово на нашата сограѓанка Мара Нацева да и посакаме добро здравје и долг живот. Се гордееме со вакви луѓе, кои се основоположници на модерната македонска држава.Би благодарам госпоѓо Нацева за се што направивте за Македонија и македонскиот народ.Ќе останете вечно запаметени како човек и како борец во НОБ, кој направил многу за македонската држава-изјави градоначалникот Зоран Дамјановски.

Нацева до пред три месеци живеела во Белград, но поради нарушено здравје сега е кај нејзиното семејство во Куманово.

Се вратив и сега живејам во моето родно Куманово. Знаат моите најблиски колку сум приврзана за мојот град. Секаде и сешто поминав во животот, а сега сум тука благодарение на моето семејство, кој навистина се грижи за мене полесно да ја поминувам староста- изјави со тешкотии старицата.

Нацева била делегат на АВНОЈ и АСНОМ, а по војната извршува повеќе високи политички функции во Белград. Таму останала да живее и по смртта на нејзиниот сопруг пред 20 години. Немаат деца, па сега за неа се грижат нејзините внуци од брат.

Покрај градоначалникот Дамјановски во делгацијата беше и пратеникот Оливер Спасовски и секретарот на СДСМ Мартин Костовски. На Нацева и подарија цвеќе и монографија за Куманово и и ветија скоро видување.