Инфо ден за ИПАРД програмата

Презентацијата ја организираат Агенција за поддршка на претприемништвото во соработка со Фондација за развој на мали и средни претпријатија, Министерство за земјоделство и Тело за управување со ИПАРД.

“Ве поканиме, да дознаете повеќе за можностите за добивање на ИПАРД неповратни средства за инвестиции во делот на занаетчиство, микро и мали претпријатија во рурални средини и инвестиции во преработувачка дејност. На средбата ќе имате можност да добиете информативни брошури во кои е наведено какви се можности нуди програмата ИПАРД, под кои услови и кој може да аплицира за вакви неповратни средства, а воедно ќе може да се информирате за сите новини во делот на ИПАРД програмата“- велат организаторите.

До крајот на октомври 2014 година, Агенцијата за финансиска поддршка на земјоделството и руралниот развој ќе распише јавен оглас за доставување на барања од страна на физички и правни лици за користење на ИПАРД средства.