Изложба на графики на Евгениј Пантев

Овој графичар ќе се претстави со 25 графики од неговиот најнов творечки опус, а кумановската ликовна публика ќе има можност за првпат да се запознае со неговото творештвото.

Пантев е роден 1966 година во Софија, Бугарија. Дипломирал на одделот за графика и графички дизајн, на Факултетот за ликовни уметности, Скопје 1991, Магистар по ликовни уметности – област графика 2014. Член е на СБХ/ ИАА.

Реализирал седум самостојни изложби и учествувал на голем број групни изложби во Бугарија, Србија, БИХ, Хрватска, Шпанија, Франција, Белгија, Романија, Италија, Англија, Египет, Канада и други земји. Добитник е на повеќе награди во странство.

Изложбата ќе трае до 10 декември.