Кампања за намалување на предрасудите за Ромите

На платото пред Центарот за култура, ученици од основните и средните училишта во градот изработуваа цртежи на кои ќе прикажат мултиетничност и колку тие ги познаваат Ромите.

 “Минувачите ќе можат да ги видат цртежите, а воедно тие исти групи на платно ќе пишуваат пароли, графити зависно што ќе изберат. Стереотипите и предрасудите не можеме да ги искорениме со овој настан, но сепак ќе влијаеме да се намалат. Секој од Куманово и Македонија ги знае типичните стереотипи “Лажеш како Циганин, крадеш како Циганин“. Од самите предрасуди и стереотипи произлегува дискриминацијата“ - вели Ирфан Мартес, координатор на младински актив во НРЦ.

Учесниците велат дека луѓето треба да се дружат без разлика на националноста и затоа е важно да се намалат предрасудите.

 „Ние сме во мешан состав, сакаме да нема разлика меѓу едни и други. Да има дружење, почитување и да видиме дека и уметноста е таа која нема граници за едни или за други“ - вели Марија Зоксимовска, професор по ликовна уметност во “Браќа Миладиновци“.

Кампањата се спроведува со поддршка на Советот на Европа, како дел од програмата Roma Prade.