Караулата “Длабочица“ ќе ја користат планинарите

Ние имаме корисничко право на Караула “Длабочица“ која е доделена со касарната “Христијан Тодоровски - Карпош“. Со одлука на Влада касарната е вратена. Има шест - седум простории кои се во добра состојба. Објектот е граден во 1990 година. Треба да се вложат пари и треба варосување. Времено да го дадеме додека да го трансформираме, да стават ранци, шатори кога прават маршови планинарите - изјави градоначалникот Зоран Дамјановски.

 Тој додаде дека инфраструктурата до Длабочица е лоша, но локалната самоуправа нема ингеренции на ова поле. До местото се пешачи 2 км. И советниците го делат мислењето дека доколку објектот на Караулата се користи делумно ќе биде оддржуван. Претходно планинарите имале на располагање три планинарски домови, но во пожар сместувачките капацитети се уништени, а реновирање немало во последниве три години.  

 Локалната самоуправа пред неколку години најавуваше дека караулата во Длабочица е предвидена за детско одморалиште, слично како што беше она во селото Матејче.