Кумановци ги заменуваат старите здравствени книшки

Овие картички ќе се користат при секоја посета на лекар, набавка на лекови и други медицински помагала.

За да поднесат барање граѓаните треба да пополнат формулари, да достават фотокопија од лична карта, фотокопија од извод или од венчаница. Издавањето ќе чини 250 денари. За пензионерите со примања до 15.000 денари, за самохраните родители и малите деца ќе чини 100 денари, а за социјалците ќе биде бесплатна. Граѓаните треба да внимаваат да не ги изгубат картичките, во спротивно ќе платат уште 250 денари.

Старите здравствени книшки ќе важат до средината на 2014 година.