Кумановци повеќе се раѓаат, помалку умираат

 Во последните три месеци од мината година во Куманово се родиле 308 деца, а починале 274 лица. Во истиот период во 2010 година имало 355 новородени и 258 починати.  

Во општината Липково природниот прираст за три месеци е 44 лица. Се родиле 89 деца, а починале 45 лице, додека во истиот период во 2010 година се родиле 99 бебиња, а починале 40 лица.

Негативен тренд бележи Општината Старо Нагоричино од -2 лица, има 18 новородени деца, а 20 умрени жители. Во однос на 2010 за трипати е зголемен бројот на новородени, а бројот на умрените е ист.

Генерално бројот на живородените деца во четвртото тримесечје од 2011 година во Македонија, е намален за 4.7% и изнесува 5.492 живородени деца. Бројот на умрените лица во четвртото тримесечје од 2011 година бележи зголемување од 0.8% во споредба со истиот период од 2010 година и изнесува 4 937 лица, а од нив 30 се умрени доенчиња.

Природниот прираст изнесува 555 лица, што значи, за толку лица бројот на живородените деца е поголем од бројот на умрените лица, соопшти Државниот завод за статистика.