Куманово со негативен природен прираст во првото тромесечје

Ова го покажуваат податоците на Државниот завод за статистика според кои во првите три месеци се родиле 274 бебиња, а починале 331 човек. Во истиот период во општина Липково се родиле 74 деца, а починале 35 луѓе. Во општина Старо Нагоричане во првите три месеци од годинава имало 8 новороденчиња, и 28 починати.

На ниво на држава споредено со првото тромесечје лани, бројот на родени деца е намален за 0.9 отсто, а бројот на починати е зголемен за 11.9 отсто.