Кумановските таксисти бесплатно ќе учат англиски

Општина Куманово објави јавен повик на кој можат да се пријават заинтересираните таксисти. Тие ќе следат предавања во траење од 80 часови за што ќе бидат ангажирани професори по англиски јазик, а трошоците ќе бидат покриени од општинскиот буџет.

Таксистите кои не се постари од 62 години можат да се пријават на веб страните на Министерството за транспорт и врски (www.mtc.gov.mk) и на Заедница на единиците на локални самоуправи (www.zels.org.mk). Со пријавата треба да се достави копија од лична карта и копија од М1/М2 образец. Кандидатите дополнително ќе бидат известени за локацијата и времето каде ќе се одвиваат часовите.