Ладна вода делеа волонтерите на Црвен крст

Се трудам колку можам да бидам под сенка. Живеам во стан и многу е топло. Сега сум излезена и дури по седум часот навачер шетам надвор со децата. Се разладуваме со ладни сокови дома - вели Марина Доцевска.

Волонтерите од Црвен Крст делеа и флаери со препораки како полесно да се издржи топлотниот бран. Обичните вентилатори не влијаат на температури над 35 Целзиусови степени. Граѓаните треба да избегнуваат алкохол и пијалоци кои содржат кофеин на високи температури. Во текот на овие летни горешнини неопходно е туширање неколку пати во текот на денот. Посебно внимателни треба да бидат луѓето со срцеви, невролошки и белодробни заболувања.

Жештините почнаа и неколку пати ќе организираме ваква акција. Овие активности се прават три години по ред. Лани одзив имаше, и се надеваме дека и денеска ќе биде исто. На граѓаните им нудиме чаша вода, обична или минерална, зависно од нивната желба. Има вода за стотина граѓани - рече Сања Стојмановска, координатор на млади во Црвен Крст Куманово.

Во летниот период овошјето и зеленчукот кои се конзумираат треба добро да се измијат, а термички подготвената храна да се јаде веднаш. Граѓаните треба да избегнуваат мајонез направен од домашни јајца, кремови и слично.