Липковка се излејала во Бедиње

Од Регионалниот центар за управување со кризи објаснуваат дека како резултат на обилните врнежи од претходните денови, топењето на снегот во карадачкиот регион, водостојот се зголемил и пет тополи паднале во речното корито, со тоа се намалил протокот на вода и дошло до излевање.

Дошло до вонбедемско излевање на водата од коритото, и поплавување во моментот само на обработливи земјоделски површини, но не е исклучено во зависност од интензитетот на протокот на вода и зафаќање на објекти и постоечка инфраструктура. Комуналниот инспектор од Општина Куманово излезе на местото на настанот , направи увид и известени сме од истиот дека ќе ги преземе понатамошните мерки, во рамки на неговите надлежности и овластувања со цел да се отстрани паднатата дрвна маса - стои во соопштението од РЦУК.

Претходните денови во кумановско имаше обилни врнежи од дожд, при што наврнаа повеќе од 28 литри дожд на метар квадратен површина.