Локални тимови ќе третираат ризични групи

Во овој пилот проект се вклучени три Центри за социјални работи меѓу кои и кумановскиот. Формирани се два тима со двајца социјални работници, Елизабета Анѓеловска и Даниела Младеновска. Од хуманитарното здружение “Мајка“ учествува Ивана Илиевска, а од локалната самоуправа Цоки Ристовски, од секторот за култура, спорт и социјална заштита.

Една од активностите ни е да прикажеме краткометражен филм “Ти си жива“ со кој младите ќе сфатат дека можат да се најдат во ризик. Некои деца го погледнаа и  дадоа идеја дека овој филм треба и другите да го видат. Истиот филм ќе се прикаже во средните, а можеби и во некои од основните училишта - рече Елизабета Анѓеловска, социјален работник.

На жртвите на трговија со луѓе треба да им се даде поддршка и да им се обезбедат услуги со сите расположливи ресурси. Проектот го реализира Министерството за труд и социјална политика во соработка со германското здружение “ГИЗ“ и здружението “Еднаков пристап“ од Скопје.