Меморијалниот центар АСНОМ го посетуваат над 10 000 гости

Ова место годишно го посетуваат над 10.000 луѓе. Меѓу нив најмногу ученици, пензионери и странци. За одредни категории на луѓе како што се борците и пензионерите влезот е бесплатен.

Воглавно има групни посети. Посетеноста е голема во екот на ученичките екскурзии, а тоа е на почетокот или на крајот на годината.  Центарот е ставен е во програмата за екскурзии.Има посетители од сите генерации. Месечно реализираме над 1000 посети. Како и сите други музеи во светот само во понеделник не работиме - вели Јовица Станковски, директор на Музеј Куманово.

Станковски додава дека олеснителна околност е тоа што има фалери на англиски, а при влезот во државава туристите добиваат СМС порака со препорака што можат да видат во околината. Пелинце е близу до границата и затоа многу српски државјани го посетиле местото и ја виделе поставката во Меморијалниот центар АСНОМ.

Меморијалниот центар АСНОМ е ставен во функција од 2006 година, а почна да се гради откако српските црковни власти не дозволуваа прославата на Втори август да се организира во манастирот Прохор Пчински. Во состав на музејот функционира и спортско-рекреативниот центра Пелинце, кој е место за одмор и рекреација на голем број кумановци.