Младите на ДПСМ ќе соработуваат со колегите од ДСС

Договорот го потпишаа претседателите Далибор Китановиќ и Немања Петровиќ кои се согласија дека положбата на српската младина во Македонија треба да се подобри и се договорија заеднички да поработат на тоа.

Целта на овој состанок беше да се продлабочи соработката на двете партии, а со тоа и на двете младински организации, а на состанокот беше договорено и раководството на младите на Демократската партија на Србите во Македонија наскоро да ги посетат младинците од ДСС во Белград каде што ќе го посетат и Парламентот на Србија- изјавија од партијата.

На состанокот присуствуваа и Бојан Аврамовиќ, Софија Граовац, Милан Радојчиќ и Предраг Топаловиќ.

Делегацијата на младите на ДСС ја посети и општината Старо Нагоричане каде ги прими градоначалникот Миодраг Јовановиќ. Гостите присуствуваа и на одбележувањето на стогодишнината од Кумановска битка на Зебрњак.